شباب جامعات كحك
منتدى شباب جامعات كحك

شباب جامعات كحك


 
الرئيسيةالتسجيلدخول
اعوذ بالله من الشيطان الرجيم {اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شَآء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيمُ}
المواضيع الأخيرة
» محطة متميزة في تعليمي تحدث اللغة الإنجليزية
الخميس نوفمبر 07, 2013 8:40 am من طرف نبع الرومانسية

» ادعوا بهذه الكلمات العشر
السبت مايو 11, 2013 7:38 pm من طرف الطير الحزين

» اجمل الامثال العالميه
السبت سبتمبر 15, 2012 11:06 am من طرف jamil200

» الحـــــــــــــــــــــــــــــــــــــــــــــــب
الإثنين سبتمبر 10, 2012 1:06 pm من طرف ليكس سورج

» اااااه امــــاه
الإثنين يوليو 30, 2012 1:48 am من طرف علوش حديد

» اغــتــصــاب غــزالــة
الإثنين يوليو 30, 2012 1:38 am من طرف علوش حديد

» مرحبابالعضو أحمد باشا ربيع توأمي......
السبت يوليو 14, 2012 12:26 pm من طرف عبدالله

» ميدو مشاكل/ المطلوب رجل واحد/ اللمبى/ لخمه راس
السبت يوليو 14, 2012 12:19 pm من طرف عبدالله

» كورس New Interchange
الثلاثاء يونيو 05, 2012 2:55 am من طرف ياسر صديق

» موضوع هام ولازم من قرائته
الأحد مايو 27, 2012 12:31 pm من طرف youssra

» نكت 2012 هههههههه
الثلاثاء مايو 22, 2012 4:59 pm من طرف I Miss You

» توفير عماله مصرية سائقين طباخين نجارين عمال جميع التخصصات (شركة نور الشرق للعماله المصرية)
السبت مايو 19, 2012 4:59 am من طرف nour2000

» الفراق
السبت يناير 21, 2012 3:13 pm من طرف سيد متعب

» بطولات نادى الزمالك
الخميس ديسمبر 22, 2011 5:10 pm من طرف عمرورشاد

» العمر لحظه .فأي لحظه تختار ؟
الخميس نوفمبر 17, 2011 6:17 pm من طرف كتكوته

facebook page
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
بحـث
 
 

نتائج البحث
 
Rechercher بحث متقدم
مجلة شباب كحك & منتدى
مجلة شباب كحك 
سحابة الكلمات الدلالية

 

المواضيع الأكثر شعبية
موسوعه كتب تعليم اللغه الانجليزيه
ارقام جلوس تجاره القاهره
اقوى الافلام الهنديه اون لاين شاهد بدون وقوف
جمل حزينه
نكت 2012 هههههههه
الحق ادخل : صور عارية جدا ( جذابة اوى )
كلام الم وع الجرح وكلام حب وكلام يبكى وكلام اسلامى
اكبر مجموعه كليبات حزينه (لعشاق الكليبات الحزينه)
لو سمحت سجل حضورك اليومى ...
اقوال وحكم عن المرأة واتحب

شاطر | 
 

 زوجة بتعمل مقلب جامد فى زوجها ..؟

اذهب الى الأسفل 
كاتب الموضوعرسالة
عمرورشاد
مدير
مدير
avatar

الجنسيه : مصرى
عدد المساهمات : 1181
نقاط : 1758
السٌّمعَة : 10
تاريخ التسجيل : 15/04/2009
العمر : 28
الموقع : www.4u4u.ahlamontada.com

مُساهمةموضوع: زوجة بتعمل مقلب جامد فى زوجها ..؟   الأحد سبتمبر 19, 2010 2:06 pm

انا طهقانة من جوزي و عمايله وتصرفاته اللي تطهق بلد.. وح احكيلكم عن عاملة من عمايله اللي تفرس::
كنا قاعدين في الفود كورت في مول كبير انا وهو على ترابيزة واحدة والاولاد راحو يلعبوا و مستنيين واحد صاحبه ومراته عازمينهم على العشا، و احنا قاعدين مستنيينهم قام يشتري سوفت درينك قبل ما ييجوا وساب موبايله أخذت الموبايل ودعبست فيه لقيته كاتب اسمه في البلوتوث: الجامد<ايه يا ابن الايه جامد ايه ييجوا يشوفوا>رجعت الموبيل زي ما كان ولا كاني شفت حاجة.. وشوية و رجع وشوية كمان وصاحبه ومراته وصلوا وانقسمنا فريقين:: الستات على ترابيزة والرجاله على ترابيزة
..
وانا قاعدة معاها فتحت البلوتوث بتاع موبيلي وكتبت الاسم: احب الجامد، ورحت باعتاله مسج دلع لقيته استقبلها وراقبته لقيت عنيه لمعت وبانت عليه السعادة والرغبة في البلبطة في بحر المغامرة <طيب لما نشوف حتوصل لحد فين>راح باعتلي مسج فيها رقم موبيله و سميل فيس<اوبّا.. بقى كده؟! طيب استنى عليا اما لعبّتك على الشناكل
>..
طلبت من صاحبتنا نقوم نتمشى ونلف على محلات الاكسسوارات وانتهزت الفرصة ودخلت محل موبايل و اشتريت خط هوليداي من اللي بيشتغل 45 يوم و يفصل.. ورحت مزوغة من صاحبتنا وهي بتسأل على اسعار حاجات في المحل و طلبته و غيرت صوتي وكلمته بدلع واخنفيت <اصل انا لما اتدلع اخنف الله يمسيكي بالخير يا سكيننة
>
أنا: النووووو
هو: <بدهولة وهطل> ال..للــــو
أنا: الجامد؟
هو: اهلا اهلا
أنا: اسيك؟
هو: كويس ازيك انتي؟
أنا: كويسه انت قاعد فين ؟
هو: انا في الفود كورت قدام محل ...... و ..و
أنا: ده انت قاعد قريب مني بقى
هو: اه.. بس انا قاعد مع واحد صاحبي
أنا: لابس ايه يا جامد؟
هو: لابس قميص ...و..
أنا: اه شايفاك.. ده انت هاندسم خالص مالص
هو(بضحكة بلهاء): هاهاها متشكر يا قمر <عرف منين اني قمر الكذاب.. استنى عليا
>
أنا: طيب اشوفك تاني ازاي؟
هو: اتصلي بيا بس قبل 4 العصر بس استني انت قاعدة فين و لابسة اية و ..
أنا: اشمعنى قبل 4 انت متجوز؟
هو: لا لا لا...بس علشان نبقى براحتنا<يانهار مش فايت.. امال 11 سنة جواز دول اية؟ والعيال اللي ملقحة دول مين؟
>
أنا: طيب يلا باي بقى
هو: استني عايز اشوفك انت قاعدة فين؟ و..و
انا قفلت الخط و بقيت عايزة اشتري ايد هون وانزل بيها على نافوخه بس مسكت نفسي و قلت والنبي لشخلعه واهشكه وافرجه
<********>
رجّعت الشريحة بتاعتي في الموبيل و اتصلت بصاحبتنا ورجعنا قعدنا على الترابيزة معاهم وكبست على نفسه لحد ما روحنا وهو طول القاعدة عينه زايغة و عمال يبص على كل واحدة حوالينا فاكرها هي الزبونة اللي اتصلت.. وانا قاعدة جانبه و لاحاسس بيا.. و احنا مروّحين لقيته منشكح و منهرش و عمال يصفر ويطبل على الدريكسيون اكنّ فرح خالته.. عاملت روحي مش مركزة و قعدت اتكلم مع العيال في اي كلام
..
تاني يوم.. راح الشغل و على الساعة 11 اتصلت بيه من الشريحة اياها
,,
أنا: النوووو
هو: اهلا يا جميل
أنا: وحشتني
هو: انتي اكتر... كده برضه متخلنيش اشوفك
أنا: استنى بس مش نتعرف الاول وبعدين نتقابل؟!
هو: طيب حشوفك امتى<يا نهارك مش فايت و كمان عايز تقابلها مع سبق الاصرار والترصد
>
أنا: انت عندك كام سنة؟
هو: 30 سنة وكام شهر <يا ابن الكذابة مواليد 60 و لسة 30 سنة ليه كنت واخد عشر سنين اجازةرضاعة طفل
>
أنا: ياه انت كبير عليا انا 25
هو: وماله هو في احلى من كده
أنا: بس انا شايفة شعر ابيض في راسك امبارح؟
هو: ها ها ها ها لا ده من الخضة
أنا: هيهيهيهيهي <بدلع بس من جوه وابور مولع
>
هو: طيب انت بتشتغلي فين؟
أنا: على حسب ساعات و ساعات
هو: طيب..
قاطعته: باي بقى اكلمك بكرة في نفس الميعاد.. وقفلت الخط وانا مولعة وفاضلي لتر بنزين وانفجر
..
وفضلت كده اتصل اتدلع عليه و مديلهوش اي معلومات عني خمس ايام لحد يوم الخميس.. وطبعا سمعني كلام عجب و كذب يودي كلية الطب وقالي نكت عمره ما حكاها لي وهراني مسجات معاكسة و ادالت وغرام و اخيرا فاض بيا وقلت لازم اكشفه قدام نفسه.. اتصلت
::
أنا: النووو
هو: اهلا يا حبي <حبي؟!! و انا كل ما اتصل بيه و انا مراته يقولي نعم يا ماما و لو حد سأله مين يقوله: البيت
>
أنا: فاضي بكرة الصبح عندي تدريب في الناتي وعايسة اشوفك
هو: طبعا الساعة كام
أنا: 12 كويس؟
هو: اوك يا قمر
أنا: اوك سلام
هو: استني بس حعرفك ازاي؟
أنا: زي ما قلت لك قبل ده انا شبه نيكول سابا بس للصراحة عنيا مش زارقةعنيا خضرا وحكون لابسة شورت تنس وبادي بينك
هو: اتفقنا يا قمر
..
وطبعا انا حسيت بالريالة بتنزل على سماعة التليفون وهو بيقول العبارةالاخيرة دي.. استنى اما نشفت ريقك
..
ولما روّح سبع البرومبة
قلت له: عايزين نفسح الاولاد بكرة يا بيسو
قال لي: لا بكرة مش فاضي عندي مشوار.. واحد صاحبنا عنده المرارة و حيعمل عملية و لازم اروح معاه علشان نعمل التحاليل اللي قبل العملية و..و...و و<عامل لي قصة
>
قلت له: طيب اروح انا عند ماما بقى و لما تخلص ابقى تعالى اتغدى معانا
قال لي: لا ما انا يمكن اتغدي معاه <كمان ناوي على غدا؟!طيب حوقف اللقمة في زورك ان شاء الله
>....
تاني يوم من الساعة 10 صحي و لبس و نزل مش عارفة ليه بدري كده بس احسن... اخدت العيال عند ماما وطلعت على النادي ولقيته مستني في المكان اللي اتفقنا عليه وعمال يتصل برقم الزبونة و انا مش مركبة الشريحة اصلا.. اتصلت بيه من موبايلي و قلتله
::
أنا: انت فين يا بابا
هو: ايوة...<بزهق>... ما انا قلتلك مع صاحبي
أنا: طيب انا بس حبيت اقولك اننا رحنا النادي علشان ماما عندها ضيوف
هو: اتسرع و اتلجلج و انا شايفاه حط ايده على راسه.. وقالي: نادي ايه؟
قلتله: النادي الفلاني <اللي هو نفس النادي بتاع الرونديفوه
>
هو: ليه كده الجو برد العيال حتعيا خديهم و روحي احسن
أنا: طيب طيب
..
بس وعنها و ركبت شريحة الزبونة واتصلت بيه
::
أنا: النوووو
هو: انت فين يا جميل الساعة 2 مش تيجي بقى
أنا: انت فين بالضبط
هو: جنب ملعب التنس زي ما اتفقنا
أنا: طيب انا جايه اهو فايف منتس
هو: اوك <بحماس منقطع النظير
>..
و رحت واخده بعضي و عملت هجوم مباشر عليه من الخلف
وقلت له: بيسوووو انت هنا
هو اتلهى و اترزى و بقى عرقه مرقه
و قال لي: انت ايه جابك هنا
أنا: انا روحت العيال علشان البرد و قلت اجي الف التراك.. الله امال فين صاحبك؟!.. وايه التسريحة الجميلة دي؟؟!!.. انت رحت عند الحلاق؟ و صبغت كمان.. واو صغرت5 سنين <يا مضروب
>
هو الفار لعب في عبه
و قال لي: لا.. اصله.. اصل.. تعالى نروح ناخد العيال ونتغدى بره
..
انا دوست على ريديل وانا واقفة معاه من شريحة الزبونة واستمتعت بوشّه وهو بيجيب الوان والعرق بيفط من سحنته وهو حاسس ان البت جت وحتطب علينا
..
قال لي: يلاّ يلاّ الجو برد النهاردة
قلت له: مش حترد على التليفون
قال لي: مش مهم بقى
قلت له: طيب استنى حروح التويلت و ارجعلك
قالي: طيب
و انتهز الفرصة وراح متصل على رقم الزبونة
..
رديت بصوتي الأصلي
::
أنا: الو
هو: بتردد..........انت فين؟
أنا: ما انا لسة قايلالك رايحة الحمام
هو: ايه..........< بصدمة
>
أنا: انت لسه معرفتش يا مدهول اني بشتغلك من اسبوع عاملي فالنتينو يابيسو.. طيب قبل ما تبص بره بص جوه.. صدق اللي قال زي القرع تمد لبره.. سلام بقى علشان رايحة اقابل الواد بتاعي.. و طلعت له لساني بمنتهى الانشراح
..
اللي يضحك في الاخر هو اللي يضحك اكتر
..
و قفلت التليفون ورحت عند واحدة صاحبتي اتغديت معاها وسبته طول اليوم يضرب روحه تلاتين صرمة!!






ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ التوقيع ـــــــــــــــــــــــــــــــــــــــــــــــــــــــــــــــــــــــــــــــــــ







الرجوع الى أعلى الصفحة اذهب الى الأسفل
http://www.4u4u.forumotion.com
LoOoLy YaMaNi

avatar

الجنسيه : k.s.a
عدد المساهمات : 5
نقاط : 10
السٌّمعَة : 5
تاريخ التسجيل : 30/10/2011

مُساهمةموضوع: رد: زوجة بتعمل مقلب جامد فى زوجها ..؟   الأحد أكتوبر 30, 2011 7:02 am

المقلب يجنن بس ما شاء الله عليكي كيف صبرتي كل داا !!!!!!
وعلى العموم الرجال لمن يبعد عن زوجتوا اكيد في شئ مو مريحوا
وعلشان كدااا يدور على غيرها امكن يلقى الي ناقصوا
حتى النسوان زي كداا اذا ما لقت في زوجها الي تبغاه راح تدور على غيروا
ولا تهتم بيه ولا شئ
المهم ما شاء الملقب مضبوط واهنيكي على صبرك ما شاء الله
والله يسعدكم في حياتكم
الرجوع الى أعلى الصفحة اذهب الى الأسفل
 
زوجة بتعمل مقلب جامد فى زوجها ..؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب جامعات كحك :: المنتدى العام والمواضيع المختلفة-
انتقل الى: