عمرورشاد مدير
الجنسيه : مصرى عدد المساهمات : 1181 نقاط : 1758 السٌّمعَة : 10 تاريخ التسجيل : 15/04/2009 العمر : 33 الموقع : www.4u4u.ahlamontada.com
| موضوع: كنت فين يا صايع لحد دلوقتى ؟؟ الثلاثاء يونيو 29, 2010 3:52 pm | |
| [size=21]هى مش كلمة صايع كانت شتيمة زمان؟؟!
لما ترجع البيت متاخر بعد المدرسة يتم أستقبالك بسؤال
(كنت فين يا صايع لحد دلوقتى ؟)
ولما يكون زرار قميصك مفتوح
(ماتفتحش صدرك زى العيال الصايعة )
وكان هناك ارتباطاً وثيقاً بين
الصياعة والتدخين والوقوف على النواصى
ومعاكسة البنات ووضع الايدى فى الجيوب
أثناء الكلام مع
الاب وشرب القهوة ومتابعة الافلام والكلام
فى التليفون بالساعات والرد
على الكبار بأسلوب غير مهذب والتزويغ من
المدرسة والسقوط فى الامتحانات ولبس
القميص على اللحم .
وكأن لقب (صايع) لقباً مخيفاً نهرب منه
( وهو الواحد اية غير سمعة وشوية حاجات فوق بعض )
وكنا نحرص على الابتعاد عن أى شخص يحمل لقب
(صايع) علشان الواحد ما (يتشبهش)
ولكن بمرور الوقت مبقتش كلمه صايع شتيمه
دى بقت حاجه مشرفه وجميله جدا
ومبقاش الصايع هو الواد اللى مش متربي
قليل الادب
اللى بيسقط دايماً وقاعد طول النهار على
القهوة وبيعلى صوتة على أهلة وبيسرق
فلوس
من ورا أهله علشان يجيب سجاير
هذا الشخص مابقاش أسمة صايع بقى
اسمة
(مغفل).
ودلوقتى بقي الصايع هو الشخص الناجح
اللى كل الناس بتتكلم عنه
الشخص اللى بيخلى الناس كلها مبهوره بيه
(الصايع)
هو النموذج والقدوة والمثل الاعلى
أحيانا .
ولقب (صايع ) مبيتقلش على الاشخاص بس
ده فيه حاجات كتير ممكن تقول عليها صايعه
يعنى الموبايل اللى فية كل الامكانيات اللى
محتاجها واللى بتحلم بيها .. يبقى
موبايل صايع .
ممكن تلاقى جون (صايع) عبارة عن جمله بين
3 لاعبين سريعة ورشيقة وغير متوقعة
ممكن تلاقى بوستر لألبوم لمطرب متصمم
بطريقة صايعة ومحطوط فى حتة صايعة
ممكن تشوف فيلم نهايته غير متوقعة ولما تمر
فى خيالك تبقى نهاية صايعة والسيناريست اللى
كتب الفيلم سيناريست صايع
وممكن تلاقى بلد يتقال عليها (بلد صايعة)
زى الصين اللى قدرت إنها تخترق مصر
بمنتجاتها
ويبقالها فى كل بيت مصرى 20 منتجاً على
الاقل وبالتالى يمكنك أن تقول إن
(الصين دول صايعيين قوى )
مبقتش كلمه صايع دى شتيمه دى بقت حاجه
الكل بيتمناها
ومش عارفه ايه اللى غير سمعة الكلمة 180
درجة .. متهيالى هى دى الصياعة !
[size=12]دلوقتى وأنا ضميرى مستريح اقدر اشجعك
عشان تكون (صايع )
بالمعنى الجديد للكلمة ..
و للصياعة بمفهومها الجديد
أداب يجب الالتزام بها حتى تستحق اللقب
-الصايع عمره مايقول على نفسة أنا صايع
عمرك شفت واحد ذكى ماشى يقول للناس
(أنا ذكى يا جماعة ) ؟
- الصايع يكرة الفهلوة لان الفهلوة سرقة
ومجرد أستغفال للناس
الصايع يحترم ذكاء الاخرين
-الصياعة تعتمد على الثقافة العامة فى كل
المجالات يكفيك أن تعرف
(حاجة عن كل حاجة )
- الحظ قد يقودك إلى القمة
والصياعة أن تحافظ عليها .
-الصياعة أن بالك يبقى طويل وماتبدأش
بالغلط وماتردش على اللى بيستفزك
لازم تسامح
الشخص اللى تقدر تنتقم منه بسهولة
- الصياعة إنك ماتكررش نفس الغلطة مرتين
- الصياعة
إنك تدى كل واحد حقة وتعرف قيمة اللى
قدامك بالضبط .
-الصياعة أنك تبقى فاهم كويس إنه
مش مهم إنك تغير الكون ..
المهم إنك تخلى الكون ما يغيركش
[/size] | |
|
سارة السيد عضو نشيط
الجنسيه : مصرى عدد المساهمات : 728 نقاط : 1029 السٌّمعَة : 2 تاريخ التسجيل : 03/11/2009 العمر : 34
| موضوع: رد: كنت فين يا صايع لحد دلوقتى ؟؟ الجمعة يوليو 02, 2010 4:31 pm | |
| -الصياعة أنك تبقى فاهم كويس إنه
مش مهم إنك تغير الكون ..
المهم إنك تخلى الكون ما يغيركش الصياعه ادب مش هز كتاف | |
|
حمدي حلمي
الجنسيه : مصري عدد المساهمات : 169 نقاط : 350 السٌّمعَة : 2 تاريخ التسجيل : 19/12/2009 العمر : 36
| موضوع: رد: كنت فين يا صايع لحد دلوقتى ؟؟ الجمعة يوليو 09, 2010 8:19 am | |
| فعلا هو الكلام ده اللي بيحصل وده اللي بيخلي العيال بتستهبل بجدومخلي ومافيش عنده امل انت فين يا صايع | |
|
اسماء اخصائية المنتدى
الجنسيه : مصريه عدد المساهمات : 298 نقاط : 351 السٌّمعَة : 2 تاريخ التسجيل : 24/01/2010 العمر : 38
| موضوع: رد: كنت فين يا صايع لحد دلوقتى ؟؟ الجمعة يوليو 09, 2010 6:44 pm | |
| يا عيني علي الكلام الكبير قوي احتا لسه شفنا حاجه ولسه | |
|
عبدالله عضو مشارك
الجنسيه : لو سالتك انت مصرى تقولى اية اية تقولى مصرى وابويا مصرى عدد المساهمات : 1162 نقاط : 1655 السٌّمعَة : 6 تاريخ التسجيل : 08/11/2009 العمر : 33 الموقع : www.abdallah.com
| موضوع: رد: كنت فين يا صايع لحد دلوقتى ؟؟ السبت يوليو 10, 2010 1:18 pm | |
| يا سلام وتدور الايام كلمة صايع تقال للناجح
وتدور الايام ونغير مفهوم الكلملت زى ما احنا عايزين هو فعلا الكلام دة حقيقةانت نفسك لما تشوف واحد بيعمل حاجة وتعجبك تقولو يا صايع الواحد بقى يتمنى يبقى صايع على كدة | |
|
عمرورشاد مدير
الجنسيه : مصرى عدد المساهمات : 1181 نقاط : 1758 السٌّمعَة : 10 تاريخ التسجيل : 15/04/2009 العمر : 33 الموقع : www.4u4u.ahlamontada.com
| |