سأفتقدكم الى النهاية ... خالد

يا خسارة كنت افتكر ان منتدى شباب جامعات كحك فيه ديمقراطية وحرية تعبير ولكن اكتشفت غير كدا ، انا كنت كتبت موضوع بنقد فيه عمداد متعب بدون اى تجريح او خروج عن النص ولم اتلفظ باى كلمة تخص كرامة وشرف متعب، ولكن اذ بالعضو فيجو يلغى ويحذف موضوعى علشان سيادته بيحب العمدة ، مع ان انا والادمن اصحاب فكرة انشاء هذا المنتدى وكمان انا صاحب فكرة اسم المنتدى ولا فخر.

انا اسف قضيت معاكم اوقات جميلة جدا يا ريت لو حد زعلان معاى فى اى حاجة يسامحنى واتمنى ان انا كنت ضيف خفيف عليكوا وكمان انتو كلكم بلا استثناء احسن اخوة واخوات واصدقاء وصديقات .

شكرا لحضراتكم جميعا واناشد الادمن او فيجو بان يلغو عضويتى لان انا ما ينفعشى ابقى موجود فى منتدى غير ديميقراطى ، اقسم بالله انا بنقد الرئيس مبارك فى منتديات تانية ومفيش حد يقدر يحذفلى موضوع ولكن انا قد ارتكبت جريمة عندما ثرت ضد النظام الحاكم المتعبى

ياخالد انت ليه مكبر الموضوع كدة
ومين قال ان اعضاء المنتدى مش مهتمين بالمواضيع التى تطرح
بس كل واحد ليه وجه نظر سواء كانت ايجابيه او سلبيه انا يمكن معرفكش شخصيا بس دا رأيي وانت ياخالد منور المنتدى ديما
ومن الناس اللى بتضيف معلومات كتيرة ومفيدة
وعلى فكرة احنا كلآصحاب فى المنتدى عمرنا ما اهملنا فى حق حد
وكلنا فى الاول والاخر اخوات واصحاب
وشكرا ياخالد على صراحتك

عيب يا خالد خلياك معانا كل وحد بيقول رئيو بكل دمقراطية

على فكرة يا خالد انت لو تلاحظ بعد ما المنتدى رجع تانى هتلقى ان معظم المسهامات بتاع الاعضاء اتحذفت وده غصب عننا علشان لما المنتدى رجع تانى تم تحديد اليوم اللى المنتدى يرجع من اوله تانى وانت هتشوف ده بنفسك لو متابع اخر الايام اللى فاتت يه

ايه ياخالد لا طبعا فيه حريه الراى والديمقراطيه
انت مباح لك تنزل كل الموضوعات اللى انت عاوزها بدون تجريح فى اى حد
انت انسان خلوق ياخالد
ممكن تكون اختلاف فى وجهات النظر

يا استاذ خالد هنا فى حريه الرأى والتعبير عن وجه نظرك بس يا ريت تعرف ان فيه مساهمات تم حذفها منى انا اللى حذفتها عشان الاختراق اللى حصل من قبل منتدى جزائرى يعنى من اول يوم 2/3/2010 لحد يوم 8/3/2010 تم حذف المساهمات والردود يعنى مش محمود
واتمنى ان تسود الروح والمحبه بين اعضاء المنتدى وكلنا اسره وحده

خالد ياريت ماتكبرش الموضوع
وكل عضو هنا بيعطر رئيه بكل حريه
وكلنا بنتقبل الانتقاد واختلاف فى الاراء
نحن جميعا ندعوك لتظل معنا
حتى تساهم وتطور من منتدانا
وننتظر منك المشاركات

طيب هو مساعد المؤسس يسيبه ويمشى
ده انت منور المنتدى اكتب اللى انت عاوزه تحت اشراف الادمن
ايه ياخالد لا طبعا فيه حريه الراى والديمقراطيه
انت مباح لك تنزل كل الموضوعات اللى انت عاوزها بدون تجريح فى اى حد
انت انسان خلوق ياخالد
ممكن تكون اختلاف فى وجهات النظر

انت اساسا مش بتفكر قبل ما تتكلم انت شغال كل شويه تجرح في عماد متعب وانا بأمانه لو شفت حد بيقول عليه كلام زي كلام يا خالد انا كنت قتلته خليك مع ايتو ودروجبا ده رأي يا ناس ما حدش يلومني باي كلام i]

ايه يا خالد رايح فين ، البلد دي احسن من غيرها وبعدين الناس كلها بتقوللك ان الموضوع مكنش مقصود ....وبعدين متعب فرح كل الاهلويه النهارده اهه ...يلا يا خالد مستنينك تمتعنا بمواضيعك الرائعه مره تانيه ...

انت لسه ليك رد علي ما كتبت انت عرفتني انك مش بتفكر بذكاء

السلام عليكم اولا
ثانيا انا مش من حقى احذف رأى اى حد خلاص يا خالد حتى لو كان الرأى ده مش عجبنى لان ممكن يكون نال اعجاب اخرين
وانا على فكره كنت بحترمك جدا وما زلت بحترمك ولكن بجد انا زعلان منك لانك ظنيت فيا
ان بعد الظن أثم
وعلى العموم شكرا ليك يا استاذ خالد

لسه يا خالد علي رأيك ومتعب فرح ملايين امبارح

اسف ليكوا يا جماعة كلكم وخاصة للكابتن فيجو اما عنك يا حسن فانا عايزك تقتنع بمقولة اختلاف الراى لا يفسد للود قضية ودى وجهة نظرى فى عماد متعب ومش هغيرها حتى لو جاب لينا كاس العالم وبعدين جون ايه اللى جابو يا راجل دا جون دا لو محمود فيجو كان قطع الشبكة ، فياريت يا استاذ حسن تنقدنى بسبب متعب انما ما تجرحشى فيا وتقول انى ما بفكرشى قبل ما اتكلم اولا يا عم الامور انا بكتب مش بتكلم ثانيا انا بنقد متعب فقط وليس من يعشقه ونقدى ليه فنيا فقط بدليل انى انا حاطط صورته ليا .

يعني انت بتكتب ااااااااااااااااااه اكيد من غير تفكير بتنقد في واحد شيل صورته يا اخي سيبها ليه علي فكره انا مش بجرح في حد ممكن لو عايز تتكلم اتكلم في الكوره دون نقد اي لعيب لان لا انا ولا انت زيهم لما نلعب انا او انت نبقي ننقد فيهم لو هيا خدوا مكاننا وبعدين يا عم البهلوان انت مش زي حسن شحاته هو ليه وجهه نظر في اللعيبه اللي بياخدها معاه وبيختارها ماشي يا مان ربنا يهديك

ربنا يهدينى يا كنج
يا جماعه انا بقيت كااااااااافر ومشرك علشان بنقد حتة لعيب

ما حدش قال عليك كافر انا قولت وجهه نظري وبعين ياعمنا ان شاء الله النهارده الاعضاء يردوا علي كلامنا ولو انا غلطان والله انا لاحزف نفسي من المنتدي يا عمنا

ايه يا ابو على المفروض انا اللى ازعل وبعدين انت عارف ان احنا اصحاب وبعدين المنتدى حاجة وبرة حاجة تانية الله يخرب بيتك ويجيلك الصليبى ياللى فى بالى لان انت شكلك كدا هتخلينى اخسر اعز واغلى اصحاب

يا مان انت عارف ان المنتدي حاجه وبره حاجه تانيه انت اعز اصحابي بس كلام المنتدي غير تعاملنا بره وبعدين انت قصدك علي محمود صح

» الى خالد
» خالد والتعبان
» المغازلة ومعاكسة البنات مش قلة أدب!!!!